နိုးတစ်ဝက်နဲ့
အိပ်စက်ခဲ့ရသူအတွက်
ကြယ်ကြွေတစ်ခုရဲ့
မှိန်ပြာပြာအလင်းတန်းလောက်တော့
ငါ့ရင်ခုန်သံချစ်ခြင်းတွေ
ရှင်သန်ခွင့်ရချင်မိတယ် ...
မတူညီမှု့တွေနဲ့
အနိုင်ယူ ကျောခိုင်းသွားမှာကို
တိတ်တဆိတ် စိုးထိတ်နေမိသူပါ ...
ခြေရာတွေဖျောက်
ကမ္ဘာတစ်ဘက်ကို မင်း ရောက်မှ
လက်ပြနှုတ်ဆက် ကျန်ခဲ့ရသူရဲ့
နာကြင်မှု့ အပြုံးတစ်ဝက်ကို
ပိုင်ဆိုင်သူ မဖြစ်ပါရစေနဲ့ ချစ်သူ ရယ် ...
မင်း မရှိတဲ့ ငါ့ ဘဝဟာ
လမိုက်ညရဲ့ သန်းခေါင်ယံထဲ
ရိုးသားခြင်းမြို့ရိုးတစ်ခုနဲ့
ဖုန်းကွယ်ထားတဲ့
အပြာရောင် (ပြအိုး)လေးပါပဲ .. ချစ်သူ ရယ် ...
မင်း .. ခြွေယူသွားတဲ့
ကျရှုံးမှု့နေရာတစ်ခုပဲမဟုတ်လား ... ?
ငါ .. ခံစားနားလည်ထားတဲ့
ခေတ်အဆက်ဆက်က
ဒဏ္ဍာရီသူရဲကောင်းတွေဟာ
အရိပ်မဲ့ လက်နက်တစ်ခုမှာ
ဒူးထောက်ရှုံးနိမ့်တယ်ဆိုတာ တကယ်ပါလားနော် ...
ချယ်လှယ်ဖန်ဆင်းပါ ချစ်သူ ရယ် ...
ဧဒင်ဥယျာဉ်ကြီးရဲ့
တစ်ဒေါင့် တစ်နေရာက
ဒို့အတွက် ကွက်လပ်လေးထဲမှာပေါ့
ပျိုးချစိုက်ထူဖို့
ငါ့ရင်ခုန်သံ ချစ်ခြင်းတွေကို
မင်း ... မင်းမူနေရာယူလိုက်ပါ .....
No comments:
Post a Comment